MALIGAYANG PASKO NG PAGKABUHAY NI KRISTO 2014!

-

ANG ARAW NG SORPRESA NG DIYOS!



Tuwang tuwa ang mga anak kapag may surprise ang kanilang magulang. Sigaw nila ay “Wow!”  Sino ba sa atin ang ayaw ng nakakatuwang surprise?

Noong Biyernes, isang lalaking walang sala ang nabayubay sa krus.  Ang mga alagad ay nagtakbuhan sa takot sa mga kalaban. Ang kanyang Ina at mahal na alagad ay napilitang masdan ang pagbitiw ng kanyang huling hininga. Ang mga tagasunod niya ay nawalan ng pag-asa at kinabukasan. Sabado, parang tumigil ang pag-ikot ng mundo, at nabalot ng kalungkutan ang kapaligiran.

Pero, biglang lumitaw ang pinamalaking surprise ng Diyos. Si Jesus ay bumangon mula sa libingang kinasisidlan tungo sa bago at walang hanggang buhay. Narinig ng mga alagad ang pinaka-magandang salaysay ng buong kasaysayan – ang Panginoon ay totoo sa kanyang salita at siya ay tunay na makapangyarihan! Lumakas muli ang kanyang Ina at mahal na alagad. Ang mga tagasunod naman ay may pinanghahawakang mensahe na handa nang ipahayag. Ang Sabado pala ay hindi dead-end.  Ito pala ay tunnel na nag-uugnay sa maningning na susunod na araw, sa araw ng Panginoon. Wala nang iyakan, kundi Aleluya lamang, at ito ay dinig mula sa lupa hanggang kalangitan!

Ito ang araw ng pinakamalaking surprise sa lahat, kung kelan ang kamatayan ay nawasak na at bumalong ang kaluwalhatian ng Diyos sa buong mundo. Si Jesus ay buhay at ang ibig sabihin niyan ay seryoso ang Diyos sa pagmamahal sa ating lahat. Ang ibig sabihin nito ay ang krus, na kagamitan sa pagsunod sa Panginoon, ay ginawa nang simbolo ng buhay at pananampalataya. Ang ibig sabihin nito ay si Jesus ay buhay at kasama natin lagi sa paglalakbay at pagkakamit ng tagumpay na tulad ng kanyang tagumpay. Si Jesus ay may kapangyarihan sa buhay, nagbibigay buhay at nagbabago ng buhay.

Ang Pasko ng Pagkabuhay ang pinakamalaking surprise sa kasaysayan, na may dulot na pag-asa para sa lahat ng nagbubuhat ng krus sa buhay ngayon. Dahil ngayon, sigurado tayo na ang Diyos ay kakampi natin. Tulad ng bata, sigaw natin “wow” sa ating nasaksihan at pinaniniwalaan. Hindi lang ang krus ang ating koneksyon sa Panginoon. Ang Pagkabuhay ay mas matibay na koneksyon natin sa Anak ng Diyos na si Jesus!

Kung paanong marami tayong kwento ng Biyernes Santo, mas marami tayong kwento ng Pasko ng Pagkabuhay. Alalahanin natin paano tayo pinagaling ng Diyos, paano tayo nagkasundo ng mga kaalitan natin, paano tayo pinatawad at pinalaya, paano tayo patuloy na sinu-surprise ng Panginoon sa araw-araw.

Pasalamatan natin ang Panginoon sa Paskong ito, ang araw ng surprise niya sa atin na kanyang minamahal!  Maligayang Pasko po ng Pagkabuhay sa lahat!

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more