IKA-16 NA LINGGO SA KARANIWANG PANAHON B

-

TAYO NAMAN ANG MAGING PASTOL



Nagulat ako sa napagmasdan ko sa isang college dorm isang araw ng Linggo ilang taon na ang nakalilipas.  Late nagising ang mga estudyante at pupungas-pungas na nag-agahan. Pagkatapos nito, dahan dahan na silang naghanda para magsimba. Karamihan nagpunta sa ecumenical worship sa isang mall na nire-renta ng Campus Crusade for Christ. Doon ay may preaching, kantahan, banda, patotoo at personal na panalangin. Bawat isa may dalang Bible. Pati yung mga Katolikong estudyante doon na rin nagsisimba.

Tupang walang pastol, tupang gutom sa direksyon. Ito ang nakita ng Panginoong Hesus nang tingnan niya ang mga taong sumusunod sa kanya (Mk. 6: 30-34). Ngayon lalong halata ito sa buhay natin. Ang mga tao ay gutom at uhaw nga sa direksyon, paggabay, inspirasyon. At handa silang tumungo kung saan nila ito masusumpungan.

Ano ang ginagawa ng simbahan para dalhin ang mga tao sa Panginoon? hinihintay natin silang dumating? Pinatutulog natin sila sa tuyot na selebrasyon at walang kuwentang homily? Pinagagalitan natin ang mga taong nasa loob na nga ng simbahan dahil sa kanilang uri ng pamumuhay? Tila hindi ganito ang ugali ng Mabuting Pastol nating si Hesus. At hindi rin ganito ang dapat nating gawin. Kaya nga nagpupunta sa ibang grupo ng mga Kristiyano ang ating mga Katoliko.

Sabi ng Mabuting Balita, si Hesus ay nahabag – hindi nagalit – sa mga tao.  At siya ay nanatili – hindi naghintay lamang – para turuan ang mga tao. Ang pag-ibig ni Hesus ang nagtulak sa kanya na maging kabahagi ng kawan.

Kakaunti nga ang ating mga pari at pagod na din sila sa dami ng gawain. Yung iba siyempre pagod sa kapo-post ng selfie sa FB (hehe)! Kaya nga dapat nating ipagdasal na magkaroon ng maraming mabubuti at mga banal na pari, madre, misyonero, at mga lider layko.

Pero dapat din nating malaman na tayong nakararami, kahit na simpleng mga Katoliko lamang, ay mga pastol din ng ating mga pamilya at mga kaibigan. Hamunin natin ang ating sarili na maging tulad ng Panginoong Hesus sa pag-akay sa mga tao sa ating paligid – sa pamamagitan ng tahimik na pagsasabuhay ng pananampalataya, mga nakakaganyak na pananalita, kilos na may pagmamahal, paanyaya sa iba na sumamba sa Diyos sa Misa at maging sa labas ng Misa. Nawa’y gamitin tayo ng Panginoon na maging pastol ng iba kung hindi man sa salita, ay lalo nawa sa gawa. Amen

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more