IKA-20 LINGGO NG KARANIWANG PANAHON, B

-



ANG KARAHASAN NG PAG-IBIG



Habang nagninilay ako sa Mabuting Balita, tila naunawaan ko na ang mga Hudyo. Ilang linggo na natin pinagmamasdan sila sa kanilang reaksyon sa himala ng tinapay at sa pangaral ni Hesus ukol sa Tinapay mula sa Langit.  At hindi nila ito maunawaan.  Hindi nila makita ang punto. Nagsimula na silang mag-bulungan at mag-reklamo.  May bagay sa mga salita ni Hesus na nakakabagabag sa kanila. Ano ba iyon?

Hindi madaling tanggapin ang turo ng Panginoon tungkol sa Tinapay ng Buhay. Maraming karahasan sa likod ng aral na ito. Sabi ng Panginoon: malibang kainin ninyo ang laman ng Anak ng Tao at inumin ang kanyang dugo, hindi kayo magkakaroon ng buhay. Ang kumakain ng aking laman at umiinom ng aking dugo ay magkakaroon ng buhay na walang hanggan at bubuhayin ko siya sa huling araw.

Isipin nga natin ang mga salitang ito. Balik-balikan. Suriin dahan-dahan. “Kainin ang aking laman… inumin ang aking dugo…” Nakupo! May kailangang mamatay kung totoo ito! At ito ang hindi matanggap ng mga Hudyo. Magsasaya, magpipista, mabubuhay dahil may namatay para mag-enjoy kami?! Ganito rin ang feeling ko e. Mas madaling magdiwang kung alam kong walang nasaktan para lang ako mag-enjoy!

Subalit ang sinasabi sa atin ng Panginoon ay ito: ang tunay na pagmamahal ay handang mag-alay ng lahat. At ang ganap na pagmamahal ay nagbibigay ng ganap, kahit lahat pa, kahit masakit pa, kahit mamatay pa. namamatay ang mga sundalo sa Middle East para makauwi lang ang mga bihag ng ISIS. Ang mga Overseas Filipino Workers natin nangungulila at nag-iisa para magkaroon lang tayo ng pagkain, gamot, edukasyon at bahay. Iyong isa kong kaibigan, mas ninais mamatay para lang ligtas na ipanganak ang kanyang bunso!

Sukdulan ang sinasabi ng Panginoon. kung talagang nagmamahal, handa kang dumaan sa kamatayan, sa maraming sakripisyo. Naiisip mo ba ito pag tumatanggap ng Komunyon? Siguro kung seryoso natin itong iisipin, ang Tinapay na Katawan ni Kristo ay hindi tila lamang biskwit na ibinigay ng pari. Ito ang handog ng pinakadakilang pagmamahal ng Isang namatay dahil mahal niya tayo hanggang sa kahuli-hulihan!

At kung mapagtanto natin ito, pagkatapos ng Misa, mapupuno din ba tayo ng lakas, tapang, at pagnanasang mamatay upang mabuhay ang ating kapwa?  Kaya ba nating pigilin ang ating dila para sumaya ang araw ng iba? Kaya ba nating iwanan ang luho para guminhawa ng iba? Kaya ba nating ngumiti man lang para magkaroon ng saya sa paligid? Kaya ba nating mabuhay ng simple para mabuhay din ang mga dukha sa lipunan?

Panginoon Hesus, Tinapay ng Buhay, salamat po sa Inyong pagmamahal. Dahil sa Iyong pag-ibig, ibinigay mo lahat para maranasan ko ang lahat ng mabubuting bagay. Sa pagtanggap sa Iyo ngayon, hipuin mo po ang aking puso upang maging tinapay ng buhay ako para sa iba, sa aking maliit na paraan man lamang. Amen.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more