IKA-22 LINGGO NG KARANIWANG PANAHON B

-



ANG MAPAGLARONG PUSO





Kapag tungkol sa puso ang usapan, marami agad ang kinikilig. Tingnan na lamang ninyo ang bagong kinagigiliwan ng lahat, ang love team na “AlDub” na mula sa isang aksidenteng pagtatagpo ng dalawang artista sa isang noon-time show. Ngayon sikat na sikat na sila sa tv, twitter, at Facebook. Iba talaga ang epekto ng puso sa ating lahat!

Sa Mabuting Balita ngayon, pinaaalalahanan tayo na hindi lamang pampa-kilig ang bumubukal sa puso. Itong simbolo ng pagmamahal at pagmamalasakit ay maaari din palang maging sanhi ng mga pangit na bagay na nagmumula sa isang tao: “masasamang isipang naguudyok sa kanya upang makiapid, magnakaw, pumatay, mangalunya, mag-imbot, gumawa ng kasamaan tulad ng pandaraya, kahalayan, pagkainggit, paninirang-puri, pagmamayabang, at kahangalan” (Mt. 7: 21-23).

Habang ang mga Hudyo ay naniniwala na ang kalinisan ng puso ay galing sa pagtupad ng mga panlabas na ritwal, si Hesus naman ang nagbibigay pahalaga sa panloob na aspekto na tunay na nakaaapekto sa paglago ng isang tao. Maaari kang gumawa ng lahat ng ipinatutupad ng batas pero ang puso mo ay mananatili pa ring tigang at bato sa harap ng biyaya ng Diyos.

Sa unang pagbasa (Santiago 1:17ff) inilalarawan ang tunay na kailangan ng puso ng tao. Ito ay ang Salita ng Diyos. Kailangang tanggapin ang Salita upang magkaroon ng kaligtasan. Subalit tapat sa mensahe ni Santiago Apostol, sinasabi rin na dapat isabuhay, isagawa ang Salita at hindi lamang pakinggan ito.  Ang taong may dalisay na puso ay hindi lamang nagninilay sa Salita ng Diyos. sa halip, bumubukal mula sa kanya ang kabutihan at pagmamahal sa kapwa, lalo na sa higit na nangangailangan ng tulong niya.

Panginoon, nais kong mapalapit ang puso ko sa Iyo. Nais kong maging bukas ang puso ko para sa Iyo. Tulungan mo po akong makalaya pagiging makasarili upang masalubong ko ang Iyong Salita at matanggap ito. Pinakamahalaga, tulungan mo po akong kumilos ayon sa iyong Salita sa pagiging mabuti at matulungin at mahabagin sa mga nangangailangan ng aking pag-ibig at presensya ngayon. Amen.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more