IKA-33 LINGGO NG KARANIWANG PANAHON, B

-



TULOY PO KAYO, PANGINOON!



Ang mabuting balita ngayon na halos nasa dulo na ng ating kalendaryo, ay tungkol sa pagbabalik ni Hesus sa kaluwalhatian. Ang una niyang pagdating sa mundo ay payak at simple. ang ikalawa ay magiging hayagan, maringal, at makapangyarihan.

Maging mga Muslim ay naniniwala na si Hesus ang propetang magbabalik upang maging hudyat ng katapusan ng lahat. Kahit hindi sila naniniwalang si Hesus ay Diyos, si Hesus pa rin, hindi si Mohammad, o ibang propeta ang siyang magbabalik sa mundo.  Nakakamangha di ba?

Sa marami sa atin, takot ang namamayani kapag naisip natin ang pagdating na ito ng Panginoon. Ayaw kasi natin ng katapusan. Ayaw nating matapos ang ating mga gawain, mga relasyon, mga plano. Gusto natin ay “forever” iyong walang katapusan, sabi nga ng Aldub.

Subalit para sa mga nagmamahal kay Hesus, ang pagdating niya ay hindi katatakutan kundi kagalakan. Kung magbabalik siya upang makipagtagpo sa atin, hindi ba dapat lang tayong magsaya? Hindi ba dapat lang itong paghandaan? Tiyak may mga bagay na magwawakas (“ang langit at lupa ay magwawakas”) subalit ang mga higit na mahalaga ay tiyak na mananatili (“ang aking mga salita ay hindi magwawakas”, Mk 13).

Kung alam nating darating si Hesus isang araw sa ating daigdig, nararapat lamang na magpundar tayo sa mga bagay na hindi mapapawi, sa mga bagay na tunay na importante.  Nakasalig ka ba sa mga salita ng Panginoon kesa sa iyong sariling opinyon  o sa mga sinasabi lang ng iba?  Pag-ibig ba, at hindi poot o kawalang-pakialam, ang batayan ng iyong mga kilos?

Salubungin natin ang Panginoon nang buong galak!


Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more